Azken egunetan 31 kasu erregistratu dituzte Lea-Artibai eta Mutrikun
Barikutik domekara bitartean [martxoak 26tik 28ra] ondoko herrietan erregistratru dituzte kasuak: Ondarroa (15), Markina-Xemein (6), Berriatua (4), Lekeitio (2), Mutriku (2), Amoroto (1) eta Etxebarria (1). Joan den aste osoan 71 kasu erregistratu zituzten Lea-Artibai eta Mutrikun, erdiak baino gehiago Ondarroan.
Sei herritan kenduta, gainerako herrietako intzidentzia tasak igo egin dira. Izan ere, azken hiru egunetan [martxoaren 26tik 28ra] azken asteetako kasurik gehien erregistratu dituzte Lea-Artibai eta Mutrikun. Guztira 31 kasu erregistratu dituzte; azkenengoz urtarrilaren azken astean gainditu zen kopuru hori.
Gaur gaurkoz Ondarroa da HITZAren eremuan perimetralki itxita dagoen herri bakarra. Eta nahiz eta 5.000 biztanletik beherako herri batzuk 400dik gorako intzidentzia tasa eduki, ez dituzte perimetralki ixteko baldintzak betetzen.
Joan den aste osoan 71 kasu erregistratu zituzten Lea-Artibai eta Mutrikun: Ondarroan 43 kasu erregistratu zituzten, 10 Markina-Xemeinen, 6 Lekeition, 5 Aulestin, 4na Berriatuan eta Mutrikun, eta bana Amoroton, Etxebarrian eta Ziortza-Bolibarren.
Lurraldeen tasak. Gaur gaurkoz, 354,32ko tasa dauka Arabak, 257,69koa Bizkaiak eta 265,66koa Gipuzkoak.
Herriz herriko intzidentzia tasa (eguneratuta):
- Amoroto: 481,93 (240 puntu igo da)
- Aulesti: 898,20 (=)
- Berriatua: 477,33 (ia 300 puntu igo da)
- Etxebarria: 134,23 (barikuan 0 tasa zeukan)
- Gizaburuaga: 0 (=)
- Ispaster: 0 (=)
- Lekeitio: 124,53 (ia 15 puntu igo da)
- Markina-Xemein: 338,31 (20 puntu inguru igo da)
- Mendexa: 0 (=)
- Munitibar: 0 (=)
- Mutriku: 131,73 (ia 20 puntu igo da)
- Ondarroa: 700,36 (zapatutik gaur arte ia 120 puntu igo da)
- Ziortza-Bolibar: 227,79 (=)
Ondokoak dira 400dik gorako tasa daukaten gainerako herriak:
- 5.000 biztanle baino gehiago dituztenak: Beasain (841,59), Elorrio (725,03), Ermua (749,11), Lazkao (1.047,59), Muskiz (427,86), Ordizia (953,33) eta Urretxu (453,95).
- 5.000 biztanle baino gutxiago dituztenak: Ataun (1.659,99), Berriz (493,35), Elciego (2.318,84), Bilar (1.420,45), Idiazabal (420,17), Iruña-Oka (1.002,79), Olaberria (1.090,51), Urkabustaiz (620,69), Zaldibia (1.869,72), Zegama (1.775,15) eta Zigoitia (585,82).
