Azken neurriei buruzko argibideak
Hemen Labi aholku batzordean martxoaren 26an hartutako neurriei buruzko argibideak.
- Zein muga daude batetik bestera ibiltzeko?
Erkidegoen arteko joan-etorriak lehendik ere galazota daude, propio onetsitako arrazoiren batengatik ez badira. Araba, Bizkai eta Gipuzkoan 100.000 biztanleko 400 kasu baino gehiagoko intzidentzia metatua duten herrietan joan-etorriak mugatuta daude. Lurralde oso batek kopuru hori gainditzen badu, halaber, neurri bera ezarriko zaio. Nafarroan, aldiz, herrien artean ibiltzeko eragozpenik ez dago. Herri bakar bat dago itxita: Milagro. Baina berez ez dago planik intzidentzia tasa batetik gora dauden udalerriak ixteko. - Tabernetarako zein muga jarri dira orain? Araba, Bizkai eta Gipuzkoara begira horrelako neurri orokorrik ez da hartu. Muga bakarra, intzidentzia altuarengatik aparteko mugak izango dituzten herrietan jarriko dute. 06:30-09:30 eta 13:00-16:30 tarteetan bakarrik egongo dira zabalik ostatuen barruko aldeak.
- Tabernetakoez aparte, zer muga daude itxiera perimetrala duten herri edo lurraldeetan? Herri horietako biztanleek aukera daukate dute ondoko herrietara joateko erosketak egitera. Kirola egitean, toki itxietan lau lagun baino gehiago ezingo dira elkartu; federatutako kirolariak eta profesionalak geratuko dira horretatik libre. Gainera, itxi egingo dituzte kiroldegietako aldagelak eta dutxak. Piszinetan, %35eko edukiera ezarriko dute, eta dutxak banaka erabili beharko dira.
- Neurriotan bada zirrikiturik? Araba, Bizkai eta Gipuzkoarako prestatu dituzten neurrietan, propio utzi dute zirrikitu bat: itxiera perimetrala duen toki batera joateko modua izango da, baldin eta bertako hotel, jatetxe edo antzeko batera joateko erreserba eginda bazuten bezeroek neurriok jakinarazi aurretik, alegia martxoaren 26a baino lehen. Apirilaren 1etik 11ra hartuko da aintzat salbuespen hori.
- Jaurlaritzak noiz eguneratuko du herrietako intzidentzia tasa? Astelehenetan, apirilaren 5ean salbu. Izan ere, egun hori jai eguna da, eta ondorioz apirilaren 6an eguneratuko du. Herriren batek 400dik gorako intzidentzia tasa balu, hurrengo egunetik aurrera itxita geratuko litzateke.
- Ba al da beste neurririk? Bai, Espainiako Gobernuak eta autonomia erkidegoek osatzen duten kontseiluak erabaki du eremu pribatuetan bizikideez osatutako taldeak bakarrik elkartu ahal direla.
Erlazionatutako edukiaDATUAK: Lea-Artibai eta Mutrikuko egoera epidemiologikoa
