Lekeitioko Udalak aparkalekuak gordeko ditu txertoa hartzera doazenentzako
Gaur [martxoak 29], bihar [martxoak 30] eta etzi [martxoak 31] egongo dira lekuak gordeta. Igerilekuko erreserbak ere Internet bidez egin ahalko dira.
80 urtetik gorakoak COVID-19aren aurkako txertoa hartzen ari dira egunotan Lekeitioko osasun etxean, eta horien txertaketa errazteko, osasun etxe aurreko hainbat aparkaleku gordeko dituztela azaldu du Lekeitioko Udalak. Jakitera eman dutenez, gaur [martxoak 29], bihar [martxoak 30] eta etzi [martxoak 31] egongo dira lekuak gordeta osasun etxera txertoa hartzera autoan joaten direnentzako.
Internetez. Bestalde, pandemia dela eta Lekeitioko udal zerbitzuetako edukiera mugatuta dago, besteak batzuen artean igerilekukoa, eta bertara joan ahal izateko beharrezkoa da aurretiazko hitzordua hartzea. Igerilekuko erreserbak 94 624 30 05 telefonora deituz edo kiroldegiko harreran egin daitezke, baina orain, kiroldegiko abonatuentzako aukera berri bat sortu dute: erreserbak Internet bidez egitea.
Lekeitioko Udalaren webgunean jarri dute lotura, eta bertan datuak sartuta eman daiteke izena. Horretarako profil bat sortu behar dute erabiltzaileek, eta NAN zenbakia edo kirol txartelaren zenbakia besterik ez dute behar horretarako.
