Uztailaren lehen asteburuan Galizian hasiko dituzte Euskotren eta Eusko Label ligak
Traineruen Kluben Elkartearen bazkideek asteburuan onartu dute aurtengo egutegia. Eusko Label Liga eta Euskotren Liga uztailaren 3an hasiko dituzte, Galizian, Cidade da Coruña banderak lehiatuta. Uztaileko eta abuztuko asteburu guztietan jokatuko dituzte estropadak, eta Kontxako bi asteburuen ondoren, urtero legez, Bermeon eta Portugaleten jaitsiera eta igoera kanporaketak lehiatuta amaituko dute denboraldia.
Gizonezkoen 12 traineruek (tartean Isuntza eta Ondarroa) 20 estropadako egutegia daukate. Aurtengo berrikuntza nagusia da Galiziara hiru bider bidaiatuko dutela.
Emakumezkoen egutegia 12 jardunaldigaz osatu dute, eta ohi bezala, Zarautzen amaituko dute abuztuaren 15ean. Lau talde hauek ariko dira gorengo mailan: Donostia Arraun Lagunak, Donostiarra, Hondarribia eta Orio.
Lea-Artibaira birritan etorriko dira. Azken urteotako ohiturari eutsiz, uztailaren 25ean Lekeition eta abuztuaren 21ean Ondarroan lehiatuko dituzte estropadak.
2021eko egutegia:
- Uztailak 3-4. Cidade da Coruña Bandeira (A Coruña).
- Uztailak 10. Donostiarra Bandera (Donostia)
- Uztailak 11. Petronor Bandera (Zierbena)
- Uztailak 17. Orioko Estropadak/Orio Kanpina Bandera (Orio)
- Uztailak 18. Getxoko Estropaden Ikurriña (Getxo)
- Uztailak 24. CaixaBank Bandera (Castro Urdiales)
- Uztailak 25. El Correo Bandera/Euskotren Bandera (Lekeitio)
- Uztailak 31. Bilboko Bandera (Bilbo)
- Abuztuak 1. Santurtziko Ikurriña (Santurtzi)
- Abuztuak 7. Barbanza Arousa Bandeira (Rianxo)
- Abuztuak 8. Concello de Boiro Bandeira (Boiro)
- Abuztuak 14-15. Zarauzko Estropadak/Zarauzko Ikurriña (Zarautz)
- Abuztuak 21. Ondarroako Bandera (Ondarroa)
- Abuztuak 22. Hondarribiko Bandera (Hondarribia)
- Abuztuak 28. Concello de Ares Bandeira (Ares)
- Abuztuak 29. Bandeira Concello de Moaña (Moaña)
- Irailak 18. Bermeo Hiriko Ikurriña (Bermeo)
- Irailak 19. Portugaleteko Bandera (Portugalete)
