Udaberriko agendaren lehen ekitaldia egingo dute Munitibarren
Munitibarko Udalak eta Txopitturri guraso elkarteak apirila eta maiatza artean lau kultur ekitaldi prestatu dituzte. Bertsoa eta bakarrizketa uztartzen dituen 'Erradikalak ginen' emanaldia ikusteko aukera egongo da barikuan [apirilak 16].
Munitibarko Udalak eta Txopitturri guraso elkarteak prest daukate udaberrirako agenda bateratua. Apirilaren erdialdetik eta maiatzaren erdialdera arte lau ekitaldi antolatu dituzte. Guztiak doakoak badira ere, aforo mugatuagatik aurretiaz izena eman behar da. Hala ere, jarleku guztiak betetzen ez badira, egunean bertan aforoa bete arte sartzeko aukera emango dute.
Erradikalak ginen emanaldiagaz hasiko dute bariku honetan [apirilak 16]. Beatriz Egizabal aktoreak eta Ane Labaka bertsolariak bertso eta bakarrizketa bidezko formatua aurkeztuko dute. Neska gazte promesa etiketaz”, zahartzeaz, gorputzaren aldaketez, sexualitateaz, merkatu patriarkalaz, intersekzionalitateaz, beldurraz, biolentziaz eta zeharkatzen dituzten beste hainbat gaiz kantatu eta kontatzen dute, feminismoa zeharlerrotzat hartuta eta umorez.
12 urtetik gorakoei zuzenduta dago, eta gehienez Udal aretoan 28 pertsona gehienez bildu ahalko direnez, barikura arte izena eman ahal da; 09:30etik 14:00era, udal administrazioan eta 16:00etatik 20:00etara, berriz, liburutegian.
Ekintza guztiak Munitibarko Udalak idatzitako protokoloan zehaztutako baldintza eta segurtasun neurri guztiak errespetatuz egingo dituzte.
