Lekeitioko Udalak elkarlanerako hitzarmenak sinatu ditu Dzanga eta GG Team taldeekin
Herriko kirol taldeei laguntza eta babesa ematea ditu helburu udalak.
Koldo Goitia Markuerkiaga Lekeitioko alkatea eta Bingen Zumajo Urresti Dzanga piragua elkarteko kidea. Argazkia: Lekeitioko Udala Lekeitioko kirol taldeei babesa eta laguntza eskaini asmoz, herriko kirol taldeeikin hitzarmenak sinatzen ari da Lekeitioko Udala. Alde batetik, Dzanga piragua taldeagaz sinatu dute elkarlanerako hitzarmena, eta horren bidez, udalak diru-laguntza emango dio elkarteak bere funtzioak bete ahal izateko eta beraien egoitza barriaren alokairua ordaintzen laguntzeko. “Horren ordez, Dzangak Lekeitioko kirol ekintzen antolaketan parte hartu eta laguntasuna eskainiko du”, azaldu dute.
Koldo Goitia Markuerkiaga Lekeitioko alkatea eta Julen Ajuria Santos GG Team Motoziklismo Taldekoa. Argazkia: Lekeitioko Udala
Bestalde, GG Team motoziklismo taldeagaz ere sinatu dute hitzarmena. Udalak, bere partetik, taldearen funtzionamendurako beharrezkoa duen lokalagaz lagunduko dio, eta GG Team taldeak urte osoan egiten diren zenbait kirol ekintzetan parte hartzeko eta antolaketan laguntzeko konpromisoa hartu duela jakitera eman dute.
