Lekeitioko Udalak kalatxorien populazioa kontrolatzeko kanpaina jarri du martxan
Kanpaina burutzeko eta kalatxorien populazioa kontrolatzeko herritarren kolaborazioa eskatu dute.
Aurten ere, Kalatxorien populazioa kontrolatzeko kanpaina jarri du martxan Lekeitioko Udalak, eta populazioa hori kontrolatu ahal izateko herritarren laguntza eskatu dute. Horrela, etxeko teilatuetan kalatxoriak edo hauen habiak daudela jakinez gero, udaletxean horien berri emateko eskaera luzatu diete herritarrei.
Udalari informazio hori helerazteko bide bi edukiko dituzte herritarrek: 94-603 41 00 telefono zenbakira deitu edo udala@lekeitio.eus helbide elektronikora idatzi. Horrez gain, udalak gogorarazi du debekatuta dagoela kalatxoriei jaten ematea. “Hala eginez gero, isuna jaso daiteke”.
