Palestinari elkartasuna adierazi diete
Palestinarren erresistentziari "babesa eta indarra" helarazi diete Lekeition, Mutrikun eta Ondarroan egin diren elkarretaratzeetan.
Zapatu eguerdian Mutrikuko Goiko Plazan egindako elkarretaratzea Euskal Herriko beste hainbat lekutan egin modura, Lekeition, Mutrikun eta Ondarroan ere Palestinari elkartasuna adierazteko elkarretaratzeak egin zituzten zapatu [maiatzak 22] eguerdian. Palestinarren erresistentziari “babesa eta indarra” helarazi zieten tokian tokiko mobilizazioetan batu ziren herritarrek eta eragileek.
Israelgo estatuak palestinaren aurka ezarritako okupazio eta zapalkuntza egoera salatu nahi izan zituzten hiru mobilizazioetan eta, aldi berean, Israelek palestinarren aurka abiarazitako “sarraskia” eteteko ere eskatu zuten.
Zapatu eguerdian Lekeitioko udaletxeko eskaileretan egindako elkarretaratzea. Argazia: Lekeitioko Ernai.
Zapatu eguerdian Ondarroako Alamedan egindako elkarretaratzea. Argazkia: HITZA.
