Usotegiko uzta banatzen eta auzolana egiten jarraitzen dute Lekeition
Joan den astean Lekitto Bedarrekoek Dominika mojei eman zieten Usotegiko uzta. Datorren asteko eguenean [ekainak 17] Elikagai Bankuari emango diotela aurreratu dute.
Lekitto Bedarreko kideak eta Dominika mojak, Usotegiko uztagaz. Argazkia: Lekitto Bedarra Lekitto Bedarra Lekeitioko ortularien taldeak herrian behar gehien dutenei laguntzen jarraitzen du. Hala, joan den astean Dominika mojei Usotegiko uzta eman zieten – argazkian–; aurten laugarrenez eman diete mojei Usotegiko uzta. Gero, haiek arduratzen dira behar gehien duten familiei banatzen. Horrez gain, martitzenean [ekainak 8] auzolan ekintza ere egin zuten Usotegin.
Taldeko kideek esan dutenez, martitzenean [ekainak 8] azelgak eta sandiak landatu zituzten Usotegin –beheko argazkia–. “Horrez gain, tomate eta pepinoak lotu, belarra moztu eta mantenimenduko lan orokorrak ere egin genituen”. Gainera, hazita zeuden letxugak eta azak ere jaso egin zituzten, eta horiek mojei eman zizkieten.Dena dela, joan den astean ere auzolan ekintza egin zuten, eta orduan berenjenak eta meloiak ere landatu zituzten Usotegin, “barazki gehiago edukitzeko”.
Aurreratu dutenez, datorren asteko eguenean [ekainak 17] Elikagai Bankuari emango diote Usotegiko uzta.
Lekitto Bedarreko kideak, martitzenean [ekainak 8] Usotegin beharrean. Argazkia: Lekitto Bedarra.
