Senpereko hilketa matxista salatu dute Etxebarrian
Elkarretaratzea egin dute udaletxe aurrean. Senperekoagaz hiru dira aurten Euskal Herrian indarkeria matxistak hil dituen emakumeak.
Etxebarriko udaletxe aurrean egindako elkarretaratzea. Emare Etxebarriko talde feministak egindako deialdiari erantzunez, hainbat herritar batu ziren atzo [ekainak 17] Etxebarriko udaletxe aurrean Senpereko hilketa matxista salatzeko. Gizon batek bere bikotekidea zen 55 urteko emakume bat hil du Senperen (Lapurdi). Erasotuaren gorpua joan den barikuan [ekainak 11] aurkitu zuten Armillac Lot-et-Garonen (Akitania), bere etxean. Gizonak, atxilotu zutenean, onartu zuen bera izan zela erasotzailea.
Euskal Herrian 110 dira 2003tik indarkeria matxistak hil dituen emakumeak; aurten, hiru.
Hilketa matxista horren harira, elkarretaratzeak egin dira baita ere Lea-Artibaiko beste herri batzuetan, tartean Ondarroan, Munitibarren eta Markina-Xemeinen.
