Mutrikun ere lortu daitezke Larra 2021 espeleologia espedizioko kamisetak
Eskaerak posta elektronikoz edo Whatsapp bidez egin daitezke. Eguaztena [ekainak 23] da horretarako azken eguna.
Euskal Espeleologoen Elkargoak antolatuta, Larra 2021 espeleologia espedizio zientifikoa burutuko dute uztailaren 31tik abuztuaren 15era Ilaminako ateetako leizean; Mutrikuko Burumendi Espeleologia Taldeko kideek baieztatu dutenez, taldeko 8-9 kidek ere parte hartuko dute espedizioan. “Erdiak ikerketan ariko dira, lur azpian 1.315 metroko sakoneran”. Kanpaina aurrera eraman eta aurtengo helburuak bete ahal izateko baina, laguntza ekonomikoa behar dute, eta horren harira, helduentzako eta haurrentzako kamiseta grisak ipini dituzte salgai, 10 euroren truke. Burumendiko kideek materiala Mutrikun ere lortzeko aukera zabaldu dute.
Eskaerak egiteko azken eguna eguaztena da [ekainak 23]. Interesa dutenek larraespeleo@gmail.com helbide elektronikora mezu bat idatzi beharko dute. Eskaera egiterako orduan kamiseta kopurua eta horien neurria adierazi beharko dira, eskatzailearen izen-abizenekin eta kontakturako telefono zenbaki batekin. Kamiseten ordainketa honako kontu korrontean egin behar da: ES69 3035 0070 18 0700060867.
Eskaerak Whatsapp bidez ere egin daitezke, 646 44 50 50 telefono zenbakira mezu bat bidalita. Bide hori erabiltzen dutenek, Bizum bidez egin beharko dute ordainketa, telefono zenbaki berean. “Eskaerak gutariko batengana hurbilduta ere egin daitezke. Burumendi taldeko kideok arduratuko gara kamiseten banaketaz”.
