Egitarau bereziekin datoz San Pedro jaiak
Sanpedroak ospatuko dituzte Berriatuan, Munitibarren, Lekeition eta Markina-Xemeingo Barinaga auzoan. Formatu murriztuagaz eta indarrean dauden osasun-murrizketen arabera mugatuta egongo dira ekimenak.
Oraindik ere jaiak ohiko modura ospatzerik ez dagoenez, aurten ere, Sanpedroak beste modu batera egokitu dituzte Lea-Artibaiko udalerri eta auzoetan. Era askotako ekimenak egongo dira ume zein nagusiei begira, baina, beti ere, herritarren segurtasuna bermatzeko, edukiera kontrolatuta izango dute, eta beraz, parte hartu nahi dutenek aldez aurretik lortu beharko dituzte sarrerak edota gonbidapenak.
Ikuskizunik eta giro onik ez da faltako Munitibarren, Berriatuan, Lekeition eta Markina-Xemeingo Barinaga auzoan datozen egunetan.
