Mutriku ere gune gorritik atera da
Barikutik domekara [irailaren 3tik 5era] 16 positibo erregistratu dituzte Lea-Artibain; Mutrikun ez dute kasurik erregistratu. Lekeition 6 kasu erregistratu dituzte, 3 Amoroton, 2 Aulestin, 2 Ondarroan eta bana Ispasterren, Markina-Xemeinen eta Munitibarren. Hiru lurraldeetako tasek behera egiten jarraitzen dute.
Mutrikuk 545,73ko tasa zeukan barikuan [irailak 3], baina azken egunetan kasurik erregistratu ez dutenez, gaur [irailak 6] 301,09ko tasa dauka. Beraz, intzidentzia tasa 400 baino gutxiago denez, gune gorrian egotetik gune laranjan egotera pasatu da. Gaur gaurkoz, Lekeitio da HITZAren eremuan gune gorrian jarraitzen duen herri bakarra. Guztira, barikutik domekara [irailaren 3tik 5era] 16 positibo erregistratu dituzte: 6 Lekeition, 3 Amoroton, 2 Aulestin, 2 Ondarroan eta bana Ispasterren, Markina-Xemeinen eta Munitibarren. Joan den asteko asteburuan baino 14 kasu gutxiago erregistratu dituzte.
Intzidentzia tasak igo egin dira Amoroton, Aulestin eta Markina-Xemeinen, eta 0 tasa daukaten herrietan ez ezik, gainerakoetan jaitsi egin da.
Joan den aste osoan [abuztuaren 30etik irailaren 5era] 41 positibo erregistratu zituzten Lea-Artibai eta Mutrikun, duela bi aste baino 55 kasu gutxiago. Kasu gehien Lekeition erregistratu zituzten (21), eta atzetik datoz Mutriku (4), Amoroto (4), Markina-Xemein (3), Ondarroa (3), Aulesti (2) eta Ispaster (2). Aldiz, Berriatuan, Etxebarrian, Gizaburuagan, Mendexan eta Ziortza-Bolibarren ez zuten kasurik erregistratu; Etxebarriak, Gizaburuagak eta Ziortza-Bolibarrek 0 tasa daukate.
Lurraldeak. Arabak 223,80ko tasa dauka (barikuan baino 43 puntu gutxiago), Bizkaiak 251,77koa (-36 puntu) eta Gipuzkoak 249,29koa (-26 puntu).
Herriz herriko intzidentzia tasak (abuztuak 27):
- Amoroto: 1.204,82 (723 puntu igo da)
- Aulesti: 748,50 (299 puntu igo da)
- Berriatua: 318,22 (79 puntu jaitsi da)
- Etxebarria: 0
- Gizaburuaga: 0
- Ispaster: 537,63 (403 puntu jaitsi da)
- Lekeitio: 1.037,78 (28 puntu jaitsi da)
- Markina-Xemein: 99,50 (20 puntu igo da)
- Mendexa: 211,86 (1.060 puntu jaitsi da)
- Munitibar: 655,02 (219 puntu jaitsi da)
- Mutriku: 301,09 (244 puntu jaitsi da)
- Ondarroa: 221,78 (35 puntu jaitsi da)
- Ziortza-Bolibar: 0
Lea-Artibai eta Mutrikuko egoera epidemiologikoaren bilakaera, azarotik:
