Azken orduetan bi positibo erregistratu dituzte Lea-Artibain
Atzo [irailak 22] erregistratutako bi kasuak Ondarroan eta Lekeition erregistratu zituzte, bana bakoitzean. Ondarroako intzidentzia tasa zer edo zer igo da, eta gainerako herrietan mantendu edo jaitsi egin da. Lekeitiok gune gorrian egoten jarraitzen du.
Lea-Artibai eta Mutrikuko egoera epidemiologikoak hobera egiten jarraitzen du. Nahiz eta Lekeitio gune gorrian egon, eskualde mailako intzidentzia jaisten ari da. Horren adibide da atzo [irailak 22] erregistratutako positibo kopurua: 2 kasu baino ez zituzten erregistratu Lea-Artibai osoan, 1 Lekeition eta 1 Ondarroan; Mutrikun ez zuten kasurik erregistratu.
Ondorioz, Ondarroako intzidentzia tasa zer edo zer igo da, baina gainerako herrietan mantendu edo jaitsi egin da. Ondarroak eta Mutrikuk gune laranjan egoten jarraitzen dute, eta Markina-Xemeinek gune berdean.
Lurraldeak. Arabako intzidentzia tasa 89,03koa da gaur (atzo baino puntu 1 gutxiago), Bizkaikoa 105,83koa (-5 puntu) eta Gipuzkoakoa 102,16 (-8 puntu).
Joan den aste osoan [irailaren 13tik 19ra] 70 positibo erregistratu zituzten Lea-Artibai eta Mutrikun, duela bi aste baino 8 kasu gutxiago. Bigarren astez jarraian, kasu gehien Lekeition erregistratu zituzten (36), eta atzetik datoz Ondarroa (14), Mutriku (12), Ziortza-Bolibar (3), Munitibar (2), Berriatua (2) eta Amoroto (1). Aipagarria da joan den aste osoan zenbat herritan ez zuten kasurik erregistratu (6): Aulesti, Etxebarria, Gizaburuaga, Ispaster, Markina-Xemein eta Mendexa.
Herriz herriko intzidentzia tasak (irailak 23):
- Amoroto: 481,93
- Aulesti: 299,40
- Berriatua: 397,77
- Etxebarria: 0
- Gizaburuaga: 0
- Ispaster: 134,41
- Lekeitio: 913,24
- Markina-Xemein: 19,90 (40 puntu jaitsi da)
- Mendexa: 211,86
- Munitibar: 655,02
- Mutriku: 319,91 (76 puntu jaitsi da)
- Ondarroa: 350,18 (12 puntu igo da)
- Ziortza-Bolibar: 683,37
Lea-Artibai eta Mutrikuko bilakaera, 2020ko azarotik:
