Jabi Patxon lekeitiarrak single berria kaleratu du
'Jokerra, jokoan Okerra' izena daraman singela Spotifyn eta Youtubeko musika kanalean jarri du entzungai.
Jabi Patxon musikari lekeitiarrak argitaratuko duen bigarren bakarkako diskoaren bigarren singlea kalean dago. Jose Manuel Sampedro Xampe PLTko bateria-jotzailea izan zenak daukan Koba estudioan grabatu du Jokerra, jokoan Okerra izena daraman singlea, eta Spotifyn eta Youtubeko musika kanalean jarri du entzungai.
Patxonen single berria Steve Miller Bandek 1973 urtean kaleratu zuen The Joker albumean argitaratu zuen izen bereko abestiaren euskarazko bertsioa da. Izan ere, gustuko dituen artisten abestiak edo zerbait esaten dioten ingeleseko kantak aukeratu eta euskaratu ditu artista lekeitiarrak, eta horien arteko aukeraketa bat jasoko du Maitalea eta lapurra izeneko disko berrian. Musikariak azaldu duenez, sei edo zazpi abestiko diskoa izango da. Aingeruak izan zen kaleratu zuen lehen abestia.
