Lur Usabiagak ipuin tailerra emango du Ispasterren
Barikuan [azaroak 12] egingo dute tailerra, eta parte hartzeko aurrez izena eman behar da.
Ipuin bat liburu bihurtzen ikasi tailerra emango du Lur Usabiaga nafar ipuin kontalariak bariku honetan [azaroak 12], Ispasterren. Kultur-etxean egingo dute saioa, 18:00etatik aurrera.
6 urtetik aurrerakoek parte hartu ahalko dute, baina tailerrean egoteko aurretiaz izena eman behar da, udaletxera deituta 94-684 29 99 edo udalaren web orrian dagoen esteka baten bidez. Azaroaren 10a [eguaztena] da izena emateko azkenengo eguna.
Plaza mugatuak egongo direla jakinarazi dute, eta beraz, Ispasterren erroldatuak eta Ispasterko eskolako ikasleek lehentasuna daukate.
