Ekintza gutxi batzuk egingo dituzte Gizaburuagako Santa Katalina jaietan
Ohitura den modura aurten ez dute bazkari herrikoirik egingo. Jaiak girotzeko zenbait ekintza kultural egingo dituzte bi asteburutan banatuta.
Jaiak pandemia aurretik ospatzen zituzten eran ospatu ezin badira ere, Santa Katalina jaiak girotzeko zenbait ekintza kultural prestatu ditu Gizaburuagako Udalak, Olazar Kultur Elkarteagaz elkarlanean. Jai eguna, berez, datorren eguenean [azaroak 25] baldin bada ere, aurretik hasiko dira motorrak berotzen.
Zapatuan [azaroak 20], esaterako, Luze edo motz bakarrizketa umoretsuaz gozatzeko aukera egongo da; saioa 19:00etan hasiko da udaletxeko aretoan. Bertaratu nahi duten gurasoek, gainera, umeak ludotekan jolasean lagatzeko aukera dukiko dute. Ludoteka zerbitzua zabalik egongo da 18:00etatik 20:30era.
Datorren astean emango diete jarraipena jaiei. Santa Katalina egunean [azaroak 25], meza berezia egingo dute; 11:30ean hasiko da elizkizuna. Hilaren 28an, berriz, egingo dituzte gainontzeko ekintzak. Ohitura den modura aurten ez dute bazkari herrikoirik egingo. “Egoera zelan dagoen ikusita, ez egitea erabaki dugu”. 11:00etan, meza egingo dute eta 12:00etan, berriz, Goienerrek batzar informatiboa eskainiko du udaletxeko aretoan. “Jan-edana egongo da datorrenarentzat”. Herriko gaztetxoek, berriz, meza ostean beti-betiko jolasetan aritzeko batuko dira frontoian. Tartean, barraskilo lasterketa ere egingo dute.
