Askotariko hitzorduak, Azaroaren 25aren harira
Eguena da azaroaren 25a, eta beste urte batez elkarretaratzeak egingo dituzte Lea-Artibain eta Mutrikun. Baina ekintza gehiago ere badaude aukeran. Hemen herriz herriko egitaraua!
Ziortza-bolibartarrak, azaroaren 25ean herrian egongo den ekintza aurkezteko agerraldian. Indarkeria matxista errotik desagertzea da gizartearen erronka handienetako bat. Indarkeria matxistak ez du adinik ezagutzen. Emakumeek gaztaroan, nerabezaroan eta adinekoak direnean jasaten dituzte biolentzia mota ezberdinak. Proiektu desberdinak gauzatu dira emakumeen aurkako indarkeria desagertarazteko, baina indarkeria sexista presente dago oraindik.
Izaskun Landaida Emakundeko zuzendariak dio adineko emakumeen aurkako indarkeriak honako berezitasunak dituela: Ikusezintasuna, autonomia ekonomikorik eza, euren garaiko gizarteak genero indarkeria ez onartzea eta gainerako pertsonak zaintzen emandako bizitza bat. Adierazi du, nahiz eta emakume adinduak askotarikoak izan, «haien zaurgarritasuna handiagoa izan daitekeela adinaren arabera». Uste du kanpainak batzen dituen testigantzekin herritarrek «errazago» onartu eta antzeman dezaketela euren inguruan dagoen indarkeria sexista.
