Ondarroako III. Jose Mari Naberan Herri Krosa martxoaren 20an egingo da

Hiru ibilbide egongo dira aukeran: handia (7.200 metro), ertaina (1.340 metro) eta txikia (380 metro). Ibilbide handia egingo dutenek aurretiaz izena eman behar dute.

Asier Alkorta

Ondarroa

2022/01/25

Ondarroako Zubi Zahar Herri Ikastolak antolatuta, martxoaren 20an (domeka) egingo da proba; 11:00etan hasiko da ibilbide handia, 12:30ean ertaina eta 12:45ean txikia (txikia LH-2ra artekoentzat). Edozeinek parte hartu dezake proban.

Ibilbide handia egiteko asmoa dutenek aurretiaz izena eman behar dute, Internetez; martxoak 18ko gauean amaituko da izena emateko epea. Ostera, ibilbide ertaina (1.340 metro) edo txikia (380 metro) egingo dutenek egunean bertan izena eman beharko dute, Itsasaurren.

Prezioak. Ibilbide handia egingo dutenek 12 euro ordaindu beharko dituzte, eta ertaina edo txikia egingo dutenek euro 2. “Ibilbide ertaina edo txikia egiten dutenek ordaindutakoa Arnasa elkartearentzat izango da”.
Dortsalak: Ibilbide handia egingo dutenek egunean bertan jaso beharko dituzte dortsalak, 10:00etatik aurrera, Itsasaurren.
Ibilbideak:
- Handia (7.200 metro): Ibilbide URDINA>Itsasaurre Plaza-Kalatraba-Astilleru pasealekua-Latxanbre Plaza-Zaldubide-Zaldupeko zubia-San Ignazio-Erribera-Nasa-Kafe Atzea-Alameda-Itsasaurre Plaza + Ibilbide GORRIA> Itsasaurre Plaza-Kalatraba-Plaiko morrora (joan-etorri)-Astilleru pasealekua-Latxanbre Plaza-Zaldubide-Zaldupe anexora joan-etorria-Zaldupeko zubia-Liburutegia-San Ignazio erreka albotik-Ibaiondo erreka albotik-Zubi Zahar Herri ikastola-Ibaiondo-Iturribarri-San Ignazio- Erribera-Nasa-Kafe Atzea-Alameda-Itsasaurre Plaza.
- Ertaina (1.340 metro): Itsasaurre-Alameda-Itsasaurre-Kalatraba-Plaiko morru-Kalatraba-Itsasaurre.
- Txikia (380 metro): Itsasaurre-Alameda-Itsasaurre.
Sariak: Lehen hiru neskak, lehen hiru mutilak eta Ondarroako lehen neskak eta lehen mutilak sarituko dituzte.

II. Jose Mari Naberan Herri Kroseko argazki galeria (2019):