5.000 emakume baino gehiagok parte hartu dute Lilatoian
Ondarroako Etxelilako Aringaingan taldeak jaso du 32. lasterketaren talde jendetsuenaren saria.
Milaka emakumek hartu zituzten atzo [martxoak 6] Donostiako erdiguneko kaleak. COVID-19ak eragindako urtebeteko etenaldiaren ostean, 5.000 korrikalari baino gehiago batu zituen Lilatoiak. Adin guztietako emakumeei, txiki, gazte eta helduei, ez zitzaien hauspoa falta izan kale guztietan zehar, eguraldia lagun izan ez arren. Kolore morez margotu zuten Donostia.
Nahiz eta lasterketa honetan emaitza eta denbora gutxienekoa den, Aratz Rodriguez Bilbaok osatu zuen arinen Boulevardetik hasi eta amaitu zen bost kilometroko ibilbide zirkularra.
Beste urte batez, 32. lasterketa honetan HITZA taldeagaz bat egin zutenak asko izan ziren. Opari modura kamiseta jaso zuten proiektuagaz bat egin zuten parte hartzaileek. HITZA taldearen barruan, gehiengoa Lea-Artibai, Mutriku eta Busturialdekoak izan ziren.
Ondarroako Etxelilako Aringaingan taldeak jaso zuen aurtengo Lilatoiko talde jendetsuenaren saria. Irina Alkortak eta Arnatza Burgoa talde dinamizatzailea igo ziren oroigarria jasotzera. Lekeitiotik 8.30ean irten zen Mugimendu Feministak eta udalak antolatutako autobusa, azkenean 36 emakume joan ziren.
