Apirilaren 2an ospatuko da 25. Berdel Eguna
2020an COVID-19agatik bertan behera laga behar izan ondoren ospatuko dute jaia berriro portuan. Ohiko egitaraua gastronomia eta itsasoarekin loturiko aste osoko ekintzekin osatuko dute.
Joseba Palenzuela Arrieta alkateak esan duenez, berdela promozionatzeko sortutako herriko jai garrantzitsuenetako bat aldaketa nabarmen batekin egingo dute: “Ohiko arratsaldeko dastaketa, eguerdira aldatu dugu aurten, egun pasako jai gastronomikoa izan dadin”. Gaineratu dutenez, aldaketa horrek ez du eguneko jai batera mugatuko Berdel Eguna, gauean ere kontzertuak egongo dira Beheko Plazan.
Garoa Arizmendi Mutrikuko alkateordea eta Joseba Palenzuela Mutrikuko alkatea, 25. Berdel Eguneko kartela aurkezten. Argazkia: Mutrikuko Udala.
Egitaraua gastronomia eta itsasoarekin loturiko aste osoko ekintzekin osatuko dute. Egitaraua guztiz zehaztuta ez badago ere, besteak beste, 25 Berdel Egunetako kartel eta argazkien erakusketa bat, arrantzari eta berdelari buruzko hitzaldiak, herriko abesbatzen kontzertuak eta zesta-punta txapelketek osatuko dute asteko egitaraua.
EGITARAUA
- Martxoak 25, barikua
- Mutrikuko Berdel Aipamena.
- Martxoaren 25etik apirilaren 3ra
- Berdel Eguneko argazki eta kartel erakusketa.
- Martxoak 29, martitzena
- 25. Berdel Eguna-Itsas Jardunaldiak, gastronomia eta arrantzari loturiko ekimena.
- Martxoak 30, eguaztena
- Errelebo generazionala baxurako arrantzan, mahai ingurua.
- Apirilak 1, barikua
- 22:00. III. Berdel Txapelketaren finala, Danok Bat elkarteak antolatuta.
- Apirilak 2, zapatua: 25. Berdel Eguna
- 10:30-15:00. Artisau eta Sortzaileen azoka, Txurruka Plazan.
- 10.00ak aldera. Mutrikuko belaontzien arteko txapelketaren hasiera.
- 11:00. Zesta-punta GRABNI Banakako Txapelketa, Miruaitzen, Gipuzkoa-Bizkaia.
- 11:00. Merkatu Txikia.
- 12:00ak aldera. Mutriko belaontzien arteko txapelketaren amaiera.
- 12:00. Herriko abesbatzen kontzertua, Zabiel Plazan.
- 13:00. Berdel pintxo dastaketa herrikoia, portuan.
- 13:00. Trikitilariak, herriko kaleetan zehar.
- 16:00. Zesta-punta GRABNI Binakako txapelketa, Miruaitzen, Gipuzkoa-Bizkaia.
- 18:00. Elektrotxaranga, portuan zehar.
- 22:00. Errietan taldearen kontzertua, Beheko Plazan.
- 23:00. Kontzertua, Beheko Plazan.
