"Plastiko bilketa eta montxorra" topaketa egingo dute Mutrikun
Topaketa domekan [martxoak 13] egingo dute, 11:00etan, Goiko Plazan.
Mutrikuko Institutuko DBH4 mailako biologia ikasleek bultzatu duten ekimen honen helburua plastikoaren erabilerari buruzko kontzientziazioa sortzea da. 11:000etan plazara hurbiltzen direnek herriko puntu beltzak identifikatuko dituzte, hau da, plastiko gehien biltzen diren guneak, eta bilketa martxan jarriko dute. Guztira, bost gune zehaztu eta garbituko dituztela aipatu dute antolatzaileek.
13:00ak aldera amaituko da bilketa, eta jasotzen den plastiko guztia herriko plazaren erdialdean kokatuko dute, pilaketa horren aurrean herritarrak kontzientziatzeko asmoz. Ekimena EkoFish proiektuaren baitan dago; pertsonak eta kolektiboak ingurumenaren babesean eta hobekuntzan ahalduntzea du helburu.
