'Ongi Etorri Udaberri' musika emanaldia, Berriatuan
Tarine Udal Musika Eskolako talde desberdinek parte hartuko dute eguenean [martxoak 31] 18:30ean eskainiko duten emanaldian.
Udaberriari ongietorria ematen jarraitzen du Tarine Musika Eskolak. Markina-Xemeingo joan den asteko kontzertuaren ondoren, Berriatuan eskainiko dute aste honetan Ongi Etorri Udaberri emanaldia eskolako musikariek. Hitzordua eguenean [martxoak 31] izango da 18:30ean, udaletxe aurrean edo Mendibarren frontoian, eguraldiaren arabera.
Tarine Udal Musika Eskolako talde desberdinek parte hartuko dute emanaldian, eta ondorengo egitaraua eskainiko dute:
- Trikipand: Basque Dances (Tomas Garbizu)
- Initargi: What’s Up (4 Non Blondes taldea) eta Amaieratik Hasi (Izaki Gardenak taldearen)
- Ixura: Guantanamera (Jose Fernandez).
- HM 2.2/2.3 eta 2.4: Negua joan da ta (Zea Mays) eta Zurekin Batera (En Tol Sarmiento)
