86 urteko gizon bat hil da Ispasterren auto istripu batean
Oraindik ezagutzen ez diren arrazoiengatik ibilgailua bidetik irten da Artika auzoan.
Argazkia: Bizkaiko Suhiltzaileak Ertzaintzak jakinarazi duenez, istripua gaur [martxoak 31] 10:45ean izan da Ispasterko Artika auzoan. Ertzaintza oraindik istripuaren nondik norakoak aztertzen ari da, ezagutzen ez diren arrazoiengatik ibilgailua bidetik irten da. Ertzaintzaren arabera, autoaren gidaria da hil dena; bakarrik zihoan autoan istripua gertatu denean. Behin SOS Deiak-112 deia jaso duenean, Ertzaintzako, suhiltzaileetako eta Osakidetzako langileak Ispasterreraino bertaratu dira, baina heldu direnerako 86 urteko gizona hilda zegoen.
