125 letxuga eta lau kilo baba Lekeitioko Elikagaien Bankuarentzako
Lekitto Bedarra elkarteak Usotegiko uzta eman dio Lekeitioko Elikagaien Bankuari. Aurten dohaintza hori egiten duten hirugarren aldia da.
Lekitto Bedarra elkartekoak barazkiekin. Argazkia: Lekitto Bedarra. Beste behin ere, Usotegi herritarren ortuan batutako uzta eman dio Lekitto Bedarra elkarteak Lekeitioko Elikagaien Bankuari. Hain zuzen ere, guztira, 125 letxuga eta kukulu eta 4 kilo baba eraman zituzten Elikagaien Bankukoek joan den eguenean [apirilak 21] behar dutenen artean banatzeko.
Lekitto Bedarra elkartekoak Usotegin lanean. Argazkia: Lekitto Bedarra
Elkartekoek zehaztu dutenez, aurten hirugarren aldiz eman dizkiote barazkiak Lekeitioko Elikagaien Bankuari, eta ez da azkena izango. Aurreratu dutenez, aste honetan beste horrenbeste edo agian gehiago emango diete.
Elikagaien Bankukoez gainera, Dominikar Mojei, auzoko Ugarteburu Elektrotresnak dendakoei eta Iñigo Harategikoei ere banatu zizkieten ortuko barazkiak elkartekoek; 100 bat letxuga eta kukulu.
Dominikar mojei barazkiak ematen. Argazkia: Lekitto Bedarra
