Neskentzako esku pilota ikastaroa antolatu du Aurrerak
Doako ikastaroa izango da eta herriko frontoian burutuko da, maiatzaren 17, 19, 24, 26 eta 31an.
2021.urtean izan zen Aurreraren 100. urteurrena, baina osasun egoera medio, ezin izan zen ekimen herrikoirik antolatu. Hortaz, ospatu beharreko zerbait izanik, aurten eramango dituzte aurrera ekimenak.
Lehenengo ekimen honi dagokionez, doako ikastaroa izango da. Esku pilotako oinarrizko maila irakatsiko da, pilota goxo eta bigunekin. Herriko frontoian burutuko da, eta maiatzaren 17, 19, 24, 26 eta 31an izango dira klaseak, 18:00etatik 20:00etara. Esku pilotaren mundura hurbildu nahi duten adin guztietako neskak apuntatu daitezke, izena ematea tobaneku@gmail.com posta elektronikoaren bitartez, edota karteletan dagoen QRaren bidez egin daiteke.
Aurrera osatzen duten kirol taldeek hainbat ekimenez osatutako egitaraua prestatu dute 2022.urterako, eta hau izango da lehenengoa, neskentzako esku pilota ikastaroa. Aurrerago argitaratuko dituzte futbol txapelketa, hitzaldi eta mendi martxen datak, eta beharrezko informazioa.
