Nerea Ibarzabalek eta Xabat Galletebeitiak Bertsolari Txapelketa Nagusian parte hartuko dute

Euskal Herriko Bertsozale Elkarteak 2022ko Bertsolari Txapelketa Nagusiko parte hartzaileak ezagutzera eman ditu gaur [maiatzak 3]. Ekainaren 22an aurkeztuko dute txapelketa.

Irailaren 24an Getxon hasiko den 2022ko Bertsolari Txapelketa Nagusiaren lehen zehaztasunak eman ditu gaur [maiatzak 3] goizean Euskal Herriko Bertsozale Elkarteak. Lurralde gehienetako izen emateak itxi ondoren, 2022ko Bertsolari Txapelketa Nagusiko parte hartzaileen berri eman dute, eta horien artean Lea-Artibaiko ordezkari bi egongo dira: Bizkaiko Txapelduna Nerea Ibarzabal Salegi markina-xemeindarra eta Xabat Galletebeitia Abaroa lekeitiarra.

Lurraldeetako txapelketetan eskuratu dute bertsolariek Txapelketa Nagusian izena emateko aukera: 2019ko Gipuzkoako Bertsolari Txapelketan, 2021ean amaitutako Bizkaikoan, Nafarroakoan eta Xilaban (Lapurdi, Baxenabarre eta Zuberoakoa), eta orain egiten ari den Arabako Bertsolari Txapelketakoek ekainean edukiko dute izena emateko aukera.

Arabako parte-hartzaileen izenen faltan, beraz, 40 dira txapelketa nagusirako izena eman duten bertsolariak: