Lekitto Bedarrak Usotegiko uzta banatu dio Elikagaien Bankuari

Aste honetan ere herritarren ortutik igarotzeko gonbidapena egin diete. Joan den astean ere 150 letxuga eta kukulu, lau kilo baba eta azelga batzuk eman zizkieten.

Lekitto Bedarrakoak Usotegiko ortuan uztagaz. Argazkia: Lekitto Bedarra

Lekeitioko Elikagaien Bankuari laguntzen jarraitzen du Lekitto Bedarra elkarteak. Usotegi herritarren ortuko uzta banatu diote azken asteetan ere. Orain dela bi aste 125 letxuga eta kukulu eta 4 kilo baba banatu zizkieten, eta joan den astean beste 150 letxuga eta kukulu, lau kilo baba eta zerba batzuk.  Aurten ortuariak banatzen dizkieten laugarren aldia izan da.

Lekitto Bedarrakoak herritarren ortuan lanean. Argazkia: Lekitto Bedarra

Elikagaien Bankuak aste honetan ez dauka banaketarik, hala ere, oraindik herriko ortuan berdura asko dutenez, gonbidapena egin diete eguen honetan [maiatzak 5] ere bertatik igarotzeko. Bestalde, Dominika mojek eta Ugarteburuk ere jaso dute Lekitto Bedarraren ekarpena. «Ugartebururi ere eman diogu uztaren zati bat, taldeagaz duen inplikazioa eskertzeko».

Lekitto Bedarrakoak ortuariak banatzen. Argazkia: Lekitto Bedarra