Amaitzear da Aulestiko danborradan izena emateko epea
Parte hartu nahi dutenek bihar [maiatzak 20] izango dute azken aukera. Ekainaren 26an zeharkatuko ditu kaleak Aulestiko danborradak.
Aulestiko 2018ko danborrada. Aurten, berriro ere, danbor hotsek alaituko dituzte Aulestiko kaleak San Joan jaietan. Ekainaren 26an, 18:30ean, zeharkatuko ditu herriko kaleak danborradak, eta bertan parte hartzeko izen ematea zabalik dago.
Izen-ematea errazteko orrialde bat zabaldu du Urzabal Guraso Elkarteak. Orrialdea betetzeko, ondorengo loturara joan behar da, eta bertan eskatzen diren datuak bete: https://labur. eus/l88uS. Bihar [maiatzak 20] izango da izena emateko azken eguna.
Danborradara ondo prestatuta heltzeko, entseguak ere antolatu ditu herriko guraso elkarteak. Entseguak hurrengo asteburuan hasiko dira, maiatzaren 28an, hain zuzen ere, eta ondorengo hiru zapatuetan izango dute jarraipena: ekainaren 4an, ekainaren 11n eta ekainaren 18an. Ordutegia berdina izango da guztietan, 18:30ean.
Danborrak eta jantziak. Urzabal Guraso Elkartekoek jakinarazi dutenez, danborrak, makilak eta txaketak maiatzaren 27an jaso ahalko dituzte parte hartzaileek. Udaletxeko 3. solairuan banatuko dituzte danborradako beharrezko jantzi ete instrumentuak. 17:00etatikaurrera joan ahalko da bila.
