Neurologiari buruzko hitzaldia, Zientziaren Giltzak Elkartearen eskutik
'Vida despues de la muerte (de las neuronas)' neurologiari buruzko hitzaldia eskainiko dute Amanda Sierra, Mar Marquez eta Marta Pereira ikertzaileek, astelehenean [maiatzak 23], 18:30ean, Beikozinan.
Hitzaldia zientziari buruzko ikuspegi orokor batekin hasiko da, zientzia eta metodologia zientifikoa zer diren azalduz. Ondoren, xehetasunez landuko dute zer den zehazki neurozientzia, eta garunaren funtzionamenduari buruz jakina dena, eta ezezaguna dena, azalduko dute. Amaitzeko, hiru ikerlariek laborategian egiten duten lanaren esperientzia partekatuko dute, hain zuzen ere, “carroñero” deituriko tamaina txikiko zelulei buruz, hildako neuronak kentzea helburu dutenak garapen fasean, zein gaixotasun neurodegeneratiboetan.
Hizlarien ibilbidea
Amanda Sierra Ikerbasque Fundazioko ikerketa-irakaslea da 2011z geroztik, Achucarro Neurozientzien Euskal Zentroko Biologia Zelular Glialeko Laborategiko zuzendaria da eta EHUko Neurozientzien Sai- leko laguntzaile akademikoa. Biologian lizentziaduna da (Madrilgo Unibertsitate Konplutentsea) eta Neurozientzietan tesia egin zuen Madrilgo Instituto Cajalen eta New Yorkeko Rockefeller University eta Stony Brook Universityn eta Houstongo Baylor College of Medicinen jarraitu zuen bere prestakuntza zientifikoa.
Mar Márquez eta Marta Pereira ikertzaileak dira eta doktore-tesia Biologia Zelular Glialeko Laborategian egiten ari dira. Mar Márquez Psikologian lizentziaduna da EHUn, eta bere doktore-tesia musikarekiko grinarekin bateratzen du, lehen diskoa grabatu berri baitu. Marta Pereira Biokimikan lizentziaduna da Bartzelonako Unibertsitatean.
