Sei segundok utzi dute Mugerza Eusko Label Sariko finaletik kanpo
2022ko Urrezko Banakako Aizkolari Txapelketako Eusko Label Sariko finalaren ateetan geratu da mutrikuarra, bere tandan bigarren sailkaturik.
Domekan lehiatu zen Lekunberriko Jaian Jai pilotalekuan, 2022ko Urrezko Banakako Aizkolari Txapelketako Eusko Label Sariko final erdia, eta bertan egon zen Ugaitz Mugerza aizkolari mutrikuarra.
Hiru tandatan lehiatu zuten, eta C taldean zegoen mutrikuarra, Iker Vicente eta Jokin Urretabizkaia Basozabalekin batera. Erloju kontrakoa, zutikakoa eta erdi lanaren sailak lehiatu zituzten, eta hain zuzen ere, hiruretan garaile izendatu zen Vicente. Mugerza bigarren postuan geraturik hiru kasuetan, finaleko ateetan geratu zelarik. Hortaz, Iker Vicente izan zen C tandako irabazlea eta finalerako txartela lortu zuena.
A kategorian, berriz, Julen Alberdi Txikia IV , Hodei Ezpeleta eta Jon Rekondo aritu ziren, eta hain zuzen ere Txikia IV izendatu zen garaile, kasu honetan ere, hiru modalitatetan irabazi zuen. B kategorian, Mikel Larrañaga, Julen Larrea III eta Suharri Rodriguez ibili ziren hurrenen hurren, eta Larrañagak lortu zuen garaipena.
Kasu honetan parte hartzaile guztien denborak hartu ziren kontuan finalerako klasifikatua aukeratzeko orduan, eta kasualitatez, tanda bakoitzeko irabazleak izan ziren orotara ere hiru denbora onenak lortu zituztenak, hain zuzen ere, Mikel Larrañaga, Iker Vicente eta Julen Alberdi Txikia IV. Aipatzeko da, Mugerza finaleko ateetan geratu dela, hain zuzen ere, sailkapen orokorrean laugarren postuan geratu baizen, Txikia IVrengandik hurbil, zehazki, sei segundora.
