Donostiarrak, garaile traineruen Mutrikuko Banderan
Ondarroa Arraun Elkarteko traineruak bosgarren postua eskuratu du, zazpigarrena Isuntzak eta hamabosgarrena Mutrikuk.
Hamasei traineruk lehiatu zuten traineruen aurre denboraldiko egutegiari irekiera eman zion Mutrikuko Bandera Traineru Estropadan. Zapatuan [maiatzak 28] 17:00etan eman zioten hasiera estropadari gipuzkoako uretan.
Donostiarrak izendatu ziren garaile, 20 minutu, 24 segundo eta 26 ehuneneko denborarekin. Bigarren postua Zierbenarentzat izan zen, 20 minutu, 36 segundo eta 18 ehuneneko denborarekin eta hirugarrena Hondarribirentzat, 2o minutu, 26 segundo eta 41 ehunenekorekin. Bosgarren postua eskuratu zuten ondarrutarrek, garailearengandik 40 segundora ailegatuz, hain zuzen ere, 21 minutu ,5 segundo eta 2 ehunenekotan. Zarautz izan zen seigarren sailkatua, eta haien atzetik etorri ziren lekeitiarrak. Isuntzak 21 minutu, 21 segundo eta 83 ehunenekorekin lortu zuren zazpigarren postua.
Iturria: Iñaki Beitia
Mutrikuarrek 22 minutu, 24 segundo eta 13 ehuneneko denbora behar izan zuten estropada burutzeko, eta hamagosgarren postua izan zuten sailkapenean.
Iturria: Iñaki Beitia
