Duchenne gaixotasunari buruzko dokumentala zuzenduko du Arantza Ibarrak
Crowfounding kanpaina martxan jarri dute, gaixotasun sendaezinari buruzko laburra aurrera eraman eta ikusgarritasuna emateko asmoz.
Arantza Ibarra zuzendari ondarrutarra hainbat proiektutan murgilduta dabil, tartean, Duchenne muskulu distrofia gaixotasunaren inguruko film labur dokumentala zuzentzeko bidean. Mi Grano de Arena fundazioaren bitartez crowfounding proiektu bat abiarazi dute, proiektua aurrera eramateko beharrezko dirua lortu ahal izateko, eta bi hilabetez egongo da irekita. Nahi duen orok laguntzeko aukera izango du webgunearen bitartez.
Duchenneren muskulu distrofia, gaixotasun sendaezin bat da, nagusiki haurrei eragiten diena. Muskuluen ahultasun progresibo bat eragiten du, eta normalean sei urterekin agertzen dira lehenengo sintomak. Gaixotasun genetiko bat izanik, ez dago sendatzeko tratamendurik, sintomak murriztea eta bizi-kalitatea handitzea da, hortaz, helburua. Film laburrrean hiru kasu konkretu azalduz, gaixotasun arraro honi ikusgarritasuna eman, eta ikerketak egitea bultzatze du helburu Ibarra zuzendariak.
Duchenne Parent Projecten ideia izan da proiektua gauzatzea, gaixotasuna sufritzen duten guraso talde batek sortutako elkartea izanik, helburu argiak dituzte; farmazeutikei laguntza eskatzea eta, bereziki, ikerketak burutzea.
Horretarako hiru kasu konkretu lantzea da helburua, hiru protagonista izango ditu filmak. Lehenengoa, Azpeitiko 10 urteko haur baten kasua izango da, aulkian dago jada. Bigarren kasua, zortzi urteko Leganeseko haur bat, oraindik ez dago aulkian baina jada medikazioarekin dago. Kike 40 urte dituen Jacako gizonezkoa da, eta bere kasua berezia da, nolabait, gaixotasun hau sufritzen dutenen bizi itxaropena 30 urtekoa izaten baita. Ibarraren helburua, hiru protagonista horiengana joatea da lantalde txiki batekin eta beraien egunerokotasuna biltzea da, gaixotasuna ezagutzera emateko.
Bigarren liburua
Bigarren liburua argitaratu berri du Arantza Ibarrak Metraton. El camino a la sabiduría cosmica izenekoa. Jada eskuragarri dago liburu dendetan eta baita internet bidez ere. Ekainaren 11an egingo du liburuaren aurkezpena, Madrileko Liburu Azokan.
