Etxebarria, musikaz blai eginda

Gaur [ekainak 4] ospatzen ari da Elizpe Rock jaialdia, egun osoan

Etxebarrik musikagaz urtero duen hitzordua betetzen ari da, Elizpe Rock jaialdiagaz, hain zuzen ere. Musikak hartu ditu herriko kaleak gaur [ekainak 4] egun osoko egitarauagaz. “Elizpe Rocken helburu nagusia da eskualdeko eta inguruko taldeak hauspotzea, jendaurrean jotzeko aukera zabaltzen dugu”.

11:00etan eman diote hasiera jaialdiari artisau produktuen azokagaz, egun guztian egon dira, diskoak, liburuak, arropak, belarritakoak eta beste asko saltzen. Ostean, Markina-Xemeingo EUP! irratiaren eta Ondarruko Radixuren arteko konexioa eginda irratsaioa egin dute.

Arratsalderako utzi dituzte kontzertuak. Lehendabizi herriko trikitilariek girotu dute Elizpe Rock eta gero Rock&Rollak busti ditu ikusleak. Oholtzara igotzen lehen taldea Hondar izan da eta bere atzetik etorri dira bi oholtzetan beste hamar musika taldeak.

Hauek dira kontzertuen ordutegiak:

16:30 Hondar

17:15 Muzak

18:00 Doe

18:45 Zikin

19:30 Braulio

20:15 Irai

21:00 Casus belli

21:45 Grip

22:30 Soa

23:15 Ballard

00:00 AD