Eskola Iraunkorraren diploma eman diote Lekeitio HLHIri
Diplomagaz Eskola Agenda 21 proiektuaren parte diren eta ekintza jasangarriak egiten dituzten zentroak goraipatzen dituzte.
Lekeitioko HLHIkoak diploma jasotzen. Argazkia: Irekia Eskola Iraunkorra dela adierazten duen diploma jaso du Lekeitio HLHIk. Beste 30 eskola eta ikastolekin batera jaso zuten diploma atzo [ekainak 7] goizean Busturiko Ekoetxea Urdaibain egin zen Gobernu Kontseiluaren ondoren izan zen ekitaldian. Iñigo Urkullu lehendakariaren, Arantxa Tapia sailburuaren eta Jokin Bildarrat sailburuaren eskutik hartu zuten diplomagaz Eskola Agenda 21 proiektuaren parte diren eta ekintza jasangarriak egiten dituzten zentroak goraipatzen dituzte, eta lehendakariak egindako lana eskertu zien guztiei.
Ziurtagiria jaso duten ikastetxeak IRAES 21-jasangarritasunaren aldeko eskola-sarean daude, eta bertan batera bultzatzen dute irakasleek, ikasleek, irakasle ez diren langileek eta familiek jasangarritasunerako hezkuntza. Guztiek gainditu dute auditoretza bat, berrikuntzaren, kalitatearen eta ingurumenarekiko konpromisoaren alde egin duten apustuagatik saritzen dituena.
