Ondarroako Pala Txapelketa Herrikoian izen ematea zabalik
Izen ematea zabalik dago jada, ekainaren 26a arte. Frontoian, Braianen, edo whatsapp mezu bidez egin daiteke telefono hauetara idatzita: 688616909/ 623024929.
Martxan dago jada Ondarroako Barnetegiak, Udalaren laguntzagaz antolatutako Ondarroako Pala Txapelketa Herrikoiaren izen ematea. Hiru modalitate egongo dira aukeran:
- Binakako txapelketa teniseko pilotarekin, adin guztietakoek parte hartu dezakete eta hasi berrientzat da, batik bat.
- Binakako txapelketa pilota trinkoarekin; 18 urtetik gorakoentzat.
- Banakako txapelketa, pilota trinkoarekin; 18 urtetik gorakoentzat.
Antolatzaileek aipatu dutenez, pilota trinkoarekin jokatuko diren partidetan nahitaezkoa izango da segurtasun betaurrekoak erabiltzea.
Gainera, izen emateen araberakoa izango da txapelketa, eta partidak uztailaren 1etik aurrera jokatuko dira, astelehenetik ostiralera bitartean, 17:00etatik 19:00etara. Beti ere eguraldiaren menpe egonik. Finaleko partidak Andra Mari Jaien inguruan izatea aurreikusten dute.
Antolatzaileek argi utzi dute ez dutela kiroltasun faltarik onartuko, eta errespetuz jokatzea izango dela txapelketaren oinarria.
Sariei dagokionez, txapelketaren irabazleek txapela eta Sutargi jatetxean jatordu bat izango ditu opari.
