Etxeratze kolektiboak antolatu dituzte San Antolin Jaietan
Ekarpena egiteko nahia dutenei parte hartzeko gonbidapena luzatu diote, eta boluntario bezala parte hartu nahi dutenentzat telefono zenbaki bat jarri dute eskuragarri: 633 46 72 73.
Lea-Artibaiko Itaiak indarkeria matxistari aurre egiteko erramintak abian jarri zituen uda hasieran, tartean, hileroko batzarrak, telefono zenbakiak, aholkularitza juridikoko tailerrak.
“Badakigu erraminta hauek egungo testuingurua hobeto ulertzeko balio digutela, baina ez dira nahikoa egunerokotasunean emakume langileak jasaten dituen eraso guzti horiei aurre egiteko”. Emakume langileak babesgabetasun egoera batean aurrea daudela azpimarratu dute, azken egunetan festa giroan ematen ari diren erasoak erdigunean jarriz. Hori dela eta, aipatutako protokoloez gain, antolakuntza propioz eta prebentzio mekanismo gisa Lekeitioko jaietan etxeratze kolektiboak martxan jartzea erabaki dute.
Lekeitioko San Antolin jaietan, hain zuzen ere, irailaren 1ean, 3an eta 5ean burutuko direnak. Irailaren 1ean (eguena) eta irailaren 3an (zapatua), 01:00etan, 02:20 eta 04:30etan biltzeko deia egin dute Udaletxeko eskaileretan. Irailaren 5ean (astelehena), berriz, 00:00etan, 02:30, 03:30 eta 04:30etan burutuko dira.
“Etxeratze kolektiboen helburua modu antolatu batean etxera buelta kolektibo bat bermatzea izango litzateke, momentu horietan eman daitezkeen edozein motatako erasoak saihestuz”. Zerbitzuari ekarpen egiteko nahia dutenei parte hartzeko gonbidapena luzatu diete, eta boluntario bezala parte hartu nahi dutenentzat telefono zenbaki bat jarri dute eskuragarri: 633 46 72 73.
