Giro ederrean ospatu dute Kuadrilla Eguna Ispasterren
11 kuadrillek bat egin dute Ispasterko Kuadrilla Eguneko bazkarian, hain zuen ere, 216 lagunek.
Bi urteko geldialdiaren ondoren gogotsu heldu diote ispastertarrek 14. Kuadrilla Egunari. Goizetik prestaketa lanei ekin diote kuadrilletako sukaldariek, hain zuzen ere, Elizpean. Orduak aurrera egin ahala, jendea hurbiltzen joan da, eta kuadrillak biltzen hasi dira. Eguraldia ere lagun izanik, jai giroa berotzen hasi da.
Hiru herritar izan dira, giroa ezartzearen helburua ezarri, eta kuadrillaz kuadrilla bertsoak jaurtitzeaz arduratu direnak. Txistulariaren laguntzagaz, ibilbidea osatuta. Elizpetik zehar osatu dute ibilbidea, eta inguruko guztientzat zeresanak izanagaz, barre algara gozotu dute eguerdia.
11 kuadrilletako 216 lagunek bazkaldu dute frontoian, giro paregabean. Eta sabela bete ostean, otzaren zozketari ekin diote. 18:00ak emana batera hasiko den bolo txapelketan, izena eman behar dela aipatu dute, banaka parte hartuko dutenek 2 euro ordaindu beharko dituzte, binaka parte hartuko dutenek, berriz, 4. Eta bikote mistoak osatzeko baldintza ezarri dute.
Euskaraldiarekin bat egiteko helburuagaz, ekimen berezi bat hartu zuten arratsaldean. Hain zuzen ere, drona erabiliz, herri bazkarian bildutakoen argazkia atera zuten.
Ondoren, musikari bide eman eta Ziur Laters taldea oholtzaratuko da, giroari eusteko asmoz. 20:30ean, berriz, txapel jaurtiketari ekingo diote.
