'Hurbil dituzu, behatu baino ez duzu' erakusketa, Mutrikun
Euskal Kostaldeko Geoparkean ikus daitezkeen hegaztien erakusketa ikusgai egongo da bihartik [azaroak 4] aurrera, Zabielen.
Barikutik [azaroak 4] aurrera ikusgai egongo dira Imanol Manterola eta Oliver Pérez argazkilarien lanak. Erakusketa azaroaren 13ra bitartean egongo da zabalik.
Erakusketak geldialdi bat proposatzen du, lasaitasun pixka bat hartu ingurura begiratzeko eta gertu dugun horretan arreta jartzeko. “Pausaldi bat baino ez digu eskatzen: adarren artean, gure begien aurrean airea zeharkatzen duenari, basoa zein gure etxetik hurbil dagoen parkea kolorez betetzen duenari begiratzeko”. Izan ere, argazkietako txoriak ez dira apartekoak, oso ohikoak dira gure inguruan, hortik dator izenburua: Zugandik hurbil dituzu, behatu baino ez duzu.
Ordutegia: astelehenetik barikura 17:00etatik 19:00etara, eta asteburuetan 12:00etatik 14:00etara. Sarrera doakoa da.
