Parte hartu nahi dutenek abenduaren 5etik 9ra izena eman behar dute, Turismo Bulegoan. Izen-ematea doan da.
Azkenengoz 2019an egin zen Ondarroako Egia-Iriondo herri lasterketa; pandemia zela eta, 2020an eta 2021ean ez zen egin lasterketa ospetsua. Aurten, baina, lasterketa egin egingo da, abenduaren 10ean hain zuzen ere. Parte hartu nahi dutenek abenduaren 5etik 9ra izena eman beharko dute, Turismo Bulegoan (12:00etatik 14:00etara eta 17:00etatik 19:00etara).
Lasterketa kategoriaka egingo da:
- Haur Hezkuntza, Lehen Hezkuntza 1 eta 2. mailak (300 metro, Zeledoniotik hasita): 11:30ean hasiko da lasterketa.
- Lehen Hezkuntza 3 eta 4.mailak (300 metro, Zeledoniotik hasita): 11:40ean hasiko da.
- Lehen Hezkuntza 5 eta 6. mailak (500 metro, Zaldupe Zubitik hasita): 11:50ean hasiko da.
- Lasterketa nagusia (Berriatua-Ondarroa): 12:00etan.
Berriatuara joateko autobusak egongo dira, 11:20an eta 11:40an, Astilleruko autobus geltokitik irtenda.
Sari banaketa. Lasterketa amaitu eta jarraian egingo da sari banaketa ekitaldia, Kofradia Zaharraren aurrean. Esan dute ume eta gazte guztiek saria jasoko dutela. Nagusietan hiru sailkapen egongo dira: orokorra, gazteak (12 urtetik 16 urtera arte) eta masterrak (40 urtetik gora). Horretan, irabazleek txapela eta garaikurra eskuratuko dituzte, eta podiuma egiten duten gainerakoei garaikurra emango diete.
