Ondarroako Txokoan sartu dira
Lapurreta erasoen inguruan Ondarroako Ezker Abertzaleak oharra kaleratu du.
Atzo gauean Ondarroako Txokora sartu direla jakinarazi dute, hain zuzen ere, udatik jasan duten hirugarren erasoa izan da; abuztuaren 16tik 17rako gauean egin zuten lehenengo saiakera, eta azaroaren 3tik 4rako gauean bigarrena. Oraingoan, sartzea lortu dute.
Ondarroako Ezker Abertzaleak erasoak salatu ditu, atzo gauean sartzea lortu zutela baieztatuz: “Atzo bai, lortu zuten sarraila apurtu eta barrura sartzea. Barruan itxita zeuden gelako ateak ere apurtuta aurkitu ditugu. Hasiera batean lapurreta itxura zuen, baina bestelako motibazioren bat egon daitekeenaren susmoa piztu digu baliozko ezer ez dutela eraman ikusteak”.
Hortaz, erasoen helburuak zeintzuk izan diren zalantzan jarri dituzte. “Gure espazio politikoa txikitzea eta inbaditzea izango zen helburua? Argi izan, orain arte ere ezerk ez gaituela gelditu, eta horrelako erasoek ez gaituela geldituko gure lan politikoa egiten jarraitzeko”.
