Argitaratutako azkenengo datuek euskararen beheranzko joera adierazten dute.
Euskararen erabilerari buruzko azken datuak ikusita Ondarroako herri batzordeak hausnarketarako atea ireki du, eta bideo bat zabaldu dute: Euskeraren egoera Ondarroan, zer diote datuek?.
“Euskararen herria da Ondarroa, herri euskalduna. Euskarari eusteko indar handia erakutsi dute beti ondarroarrek. Oinarria ona dugu, bai; baina dena ez da urre”. Euskararen erabilerari buruzko azken datuek euskararen indarra makaltzen doala erakutsi dute, baita Ondarroan ere. Aztertutako arlo guztietan nabaritu da beherakada; ezagutzan, etxeko erabilera, kaleko erabileran, eta kultur produktuen kontsumoan.
Datuak eskuan izanik, “hizkuntza ohiturak aldatzeko garaia da” aldarrikatuz hausnarketarako bidea ireki dute Ondarroan.
