Martutenen dago Asier Badiola preso ondarrutarra
Badiolak atzo [abenduak 9] deitu zien senideei Martutenen zegoela esateko (El Duesoko –Cantabria– espetxetik lekualdatu dute).
Preso ondarrutarra Billabonako Iñigo Guridi presoagaz batera dago ziegan. Senideek esan dutenez, kartzelaz aldatu eta gero PCR bat egiteko zain egon behar da Badiola. “Ez dakigu astelehen edo martitzenera arte isolamenduan egongo den edo ez”.
Espainiako Barne Ministeritzak azaroaren 14an jakinarazi zuen Asier Badiola preso ondarrutarra El Duesoko kartzelatik (Cantabria, Espainia) Euskal Herrira lekualdatuko zutela, baina ez zuten zehaztu zein kartzelara mugituko zuten. Azaroaren 29an, ostera, Martutenera eroango zutela esan zioten presoari berari. Eta atzo [abenduak 9] Martutenen zegoela esateko deitu zien Badiolak senideei.
Badiolaren lekualdaketak. 2013-14an Estremeratik (Madril) Picassentera (Valentzia, Herrialde Katalanak) lekualdatu zuten, eta 2021eko martxoaren 12an Picassentetik (Ondarroatik 655 kilometrora) El Duesora (Cantabria, Espainia), etxetik 120 kilometrora. Badiola 2021eko apirilaren 12an heldu zen El Duesora. Orain, atzotik [abenduak 9], Martutenen dago.
