XIV. Berriatuko Ermitxetatik Ibilaldia, urtarrilaren 8an
Egunean bertan izena eman beharko da, eta martxa luzea, ertaina eta motza egongo dira aukeran.
Beste behin ere urtea urteroko hitzorduagaz hasiko dute Berriatuan. Hala, urtarrilaren 8an ospatuko da XIV. Berriatuko Ermitxetatik Ibilaldia mendi martxa (IV. Rikardo Erkiaga Memoriala), udalak antolatuta. Hiru ibilbide egongo dira aukeran:
- Martxa luzea (22 kilometro eta 1.100 metroko desnibela): izen-ematea 07:30ean, eta irteera 08:30ean.
- Martxa ertaina (14 kilometro eta 600 metroko desnibela): izen-ematea 07:30ean, eta irteera 08:30ean.
- Martxa motza (9,5 kilometro eta 370 metroko desnibela): izen-ematea 09:00etan, eta irteera 10:00etan.
Zehaztu dute parte hartzaile guztientzako oparia eta kopaua egongo dela.
