Urtza Alkorta Ondarroako EH Bilduren zerrendaburuaren aurkezpen ekitaldia
Zapatuan [urtarrilak 14] egingo da hautagaiaren aurkezpen ekitaldi ofiziala, Latxanbre plazan.
Urtza Alkorta Arrizabalaga Ondarroako EH Bilduren zerrendaburuaren aurkezpen ekitaldi ofiziala egingo dute zapatuan [urtarrilak 14] 13:00etan, Latxanbre plazan.
“Alkorta gogotsu eta ilusioz dago erronka berriari aurre egiteko, eta maiatzera arte ondarrutar guztiena izatea nahi duen proiektu bat perfilatzen ariko da, herritarrekin, herritik eta herriarentzat”, azaldu dute Ondarroako EH Bilduren ordezkariek.
Alkortaren esanetan lekukoa hartzeko prest dago, baina argi dauka herritarrekin eskutik egin behar dela bidea, bai haueskundeetarainoko bidea eta baita ondorengoa ere: “Alkatetzarako zerrendaburu izatearekin ilusioz nago, ilusioz eta konbentzimenduz, elkarrekin gauza ederrak egiteko gai izango garenaren konbentzimenduz”.
