Coaching feminista Ondarroako Jabekuntza Eskolan
Lau saio izango ditu guztira, lehenengoa otsailaren 2an izango da.
Emakumeen Jabekuntza Eskolaren baitan Coaching feminista ikastaroa antolatu du Ondarroako Etxelila Emakumeen Topalekuak Ondarroako Berdintasun sailarekin batera. Otsailaren 2an abiatuko den saioan Nerea Redondo Otamendi izango du gidari. Lau saio izango dira guztira, denak ala denak, otsaileko eguenetan.
Coaching aldaketa prozesuetan laguntzeko metodologia izanik, “ikastaro honetan emakumeon funtzionatzeko eraren inguruan hausnartuko dugu, gure indarguneak identifikatu eta ahulguneak nola gure alde jarri landuko dugu. Arazoetan zentratu beharrean, konponbideetan arreta jarriz bakoitzaren helburu indibidual eta kolektiboetarantz urratsak emateko aukerak zabalduko ditugu. Zertarako bilatu kanpoan, barruan daukazuna?”.
Izena ematea zabalik dago jada, etxelila@ondarroa-eus helbidera idatzita edo 94-613 40 08 / 664 54 73 67 telefonora deituta. 10 euro izango da matrikulazioa.
