San Blas opilen ikastaroak arrakasta eduki du Etxebarrian
Ekimena ETX kultur elkarteak antolatuta egin zen zapatuan [urtarrilak 28]. Hogei ume inguruk eta beste horrenbeste nagusik parte hartu zuten.
Etxebarriko ETX kultur elkarteak San Blas opilak egiten ikasteko tailerra antolatu zuen zapatuan [urtarrilak 28]. Eguraldi txarra egiten zuen, eta herritar asko izan ziren jubilatuen elkartera hurreratu zirenak; hogei ume inguruk eta beste horrenbeste nagusik parte hartu zuten saioan.
Lorea Lejardi herritarra izan zen opilak nola egiten ziren azaldu ziena, eta ume eta nagusiak adi-adi jarraitu zuten harek esandakoak. Giro onean, eta ondo pasatuz, bakoitzak bere opila egin zuen.
