San Gregorio txapelketa azken txanpara heltzear dago
Etzi [maiatzak 13] lau final jokatuko dira: kadeteen mailakoa, 22 urte azpikoa, emakumezkoena eta gizonezkoena. Finalak arratsaldeko 17:00ean hasiko dira.
Gaur jokatuko dira XXXV. San Gregorio zesta-punta txapelketako finalaurrekoak, Berriatuko Mendibarren pilotalekuan. Guztira hiru partidu jokatuko dira, 19:15ean hasita. Gizonezkoen lehendabiziko finalaurrekoan, Xabier Barandika gernika-lumotarrak eta Gorka Mugartegi Atain II.a markina-xemeindarrak, Cosme Agirreren eta Eñaut Salegi markina-xemeindarraren aurka jokatuko dute.
Bigarrenean, Alex Hormaetxea bermeotarrak eta Roberto Lekue berriatuarra, Antxon Alberdi eta Mikel Manzisidor mutrikuarraren aurka. Emakumeek finalaurreko bakarra jokatuko dute. Elaia Gogenola eta Maialen Aldazabal finalean itxaroten daude, Erika Mugartegi-Eneritz Lizardi eta Helena Barrenetxea eta Arai Lejardi bikoteen arteko partiduko irabazleari. Finalak 17:00etan hasiko dira.
