Lekeitioko Berbalagun taldeak argazki lehiaketa antolatu du
Lekeitioko berba bereziak dira gaia eta argazkiak aurkezteko azken eguna maiatzaren 28a da.
Berbalagunetik parte hartzeko deia egin dute. Lekeitioko berba berezi bat pentsatu behar da eta horrekin erlazionatutako argazki bat atera eta esaldi edo definizio bategaz osatu. Ostean, Whatsapp bidez bidali behar da argazkia 607 596 261 telefono zenbakira. Mezuagaz batera egilearen izen-abizenak jarri behar dira.
Maiatzaren 28a da argazkiak aurkezteko azken eguna. Gero, ekainaren 12tik 25era herritarrek argazkiak ikusteko eta bozkatzeko aukera izango dute. Batetik, Lekeitioko kultur etxean jarriko duten erakusketan, eta bestetik, Internet bidez. Bi sari emango dituzte. Irabazleak bi lagunentzako bazkaria eta opari kutxa bat eskuratuko ditu eta txapeldunordeak opari kutxa. Garaileak ekainaren 26ean emango dituzte jakitera Berbalagunen blogean.
