Egitaraua hitzaldi eta tailerrekin osatu dute eta, aurten, estreinakoz, streaming bidez jarraitu ahalko dira saio batzuk.
Hirugarren urtez Ondarroa BHIk Zientzia eta Teknologia astea antolatu du, eta egitarau oparo bat prestatu dute hitzaldi eta tailerrez osatua. Eguaztenean [maiatzak 31], teknologia eta kirolaren inguruko saioak eta dronen tailerra egingo dituzte. Eguenean [ekainak 1] emakumeak eta igeriketa, karabinadun tiroa eta 3D inprimagailuei buruzko hitzaldiak egongo dira. Barikuan [ekainak 2], ostera, teknologia eta musika, motorrak eta eskalada landuko dituzte saio ezberdinetan.
Herritarrak eta eskualdeko adituak izango dira protagonista hiru eguneko egitarau osatuan, eta ikasleei zuzendutako saioak izateaz gain, herritarrei bideratutako saioak ere egongo dira. Herritarrengana heldu asmoz, aurten berrikuntza bat gehitu dute, eta egitaraua osatzen duten ekintza batzuk streaming bidez jarraitzeko aukera egongo da. Antolakuntzatik aipatu dutenez, “bi arlo horietarako ikasleen grina sustatzeko helburua du ekimen honek, eta edizio honetan ekintza ezberdinak streaming bidez jarraitu ahal izango dira.”
Izena eman. Dronen tailerrean leku mugatuak egongo dira, eta 11-17 urte bitartekoei dago zuzenduta. Parte hartu nahi dutenek izena eman behar dute zigoraldazabal@ondarroabhi.net posta elektronikora idatzita.
EGITARAUA
- Maiatzak 31, eguaztena
- 09:00-10:45. Teknologia eta kirola, Aduna Badiola eta Cristina Granadosekin.
- 10:45-11:15. Climbing orangutan tximino eskalatzailearen lehiaketa.
- 11:15-12:10. Orduaren arazoak, Edu Zabalarekin.
- 17:00-18:45. Dronen tailerra, Kiroldegian. *Izena eman behar da aurretiaz.
- Ekainak 1, eguena
- 09:00-09:50. Emakumeak eta igeriketa, Aduna Badiola, Ioar Urkiri eta Miren Lore Bengoetxearekin. *Streaming bidez jarraitu daiteke saioa.
- 10:00-11:15. Karabinadun tiroa, Ager Solabarrieta eta Maite Badiolarekin. *Streaming bidez jarraitu daiteke saioa.
- 11:15-12:10. 3D inprimagailuak, Borja Angulo ikerlariarekin.
- 16:00-17:00. Herri kirol taldeen giltzeroak inprimatzen.
- Ekainak 2, barikua
- 09:00-10:45. Teknologia eta musika, Mikel Arakistain, Keu Agirretxea eta Pedro Badiolarekin. *Streaming bidez jarraitu daiteke saioa.
- 11:15-12:10. Teknologiako proiektuak.
- 12:10-13:05. Moto student, Aitzol Etxeberriarekin.
- 12:10-13:05. Eskalada eta teknologia, Xabin Ulaziarekin. *Streaming bidez jarraitu daiteke saioa.
